دخيل جرحك انساني

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..

منقول

خلاص لاتتعب وترجع تعاتبني
انا نسيتك دخيل جروحك انساني..

سابق الريح ..
ذائقه شعريه راقيـــة
لاعدمناك
ولاتحرمنا كل ماهو جميل بطياتك

تحياتي لك

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

عندما يلامس الحزن اوتار القلب تولد االكلمات العذبه والجميله معبره عن مكونات القلب
انتقاء عذب من انامل تحمل الابداع ،،،

سابق الريح
شاكرة لك إطلالتك ودام منك هذا التواجد المبهر ،،،

وافر التقدير والاحترام
،
،
j0oj0o

الليل && جوجو

تسلملي هالطله

الله لا يحرمني من تواجدكم

نورتوو صفحتي

انا وطن شعر لو شعري مغربني
كتبت اجمل جروحي لجل تقراني..

قصيده مؤثره جـــدا
,
,

@ سابق الريح @
اختيار جميل منك
شكرا كبيرا واكبر من الكبيرا

قلب امها

الجميل هو حظورك الرائع

مشكوووره على هالطله